Sýslumaðurinn á Höfuðborgarsvæðinu hefur dregið úr happdrætti 3. og 4.flokks meðfylgjandi myndir eru af úrdrættinum.

Við óskum vinningshöfum til hamingju með vinningana og vonum að þeir njóti vel

Á þriðjudagskvöldið var hörku leikur í Hertz deild karla í íshokkí þegar Íslandsmeistarar SA kom í heimsókn í Grafarvoginn.  Leikurinn byrjaði með þreifingum í fyrsta leikhluta en í öðrum leikhluta fór að draga til tíðinda þegar okkar menn skoruðu tvö mörk gegn engu.  Í þriðja leikhluta héldum við áfram af sama krafti og bættum við þriðja marki og vorum komin með þægilega forystu.  SA er lið sem gefst aldrei upp og settu spennu í leikinn með að lumma inn tveimur mörkum í lokin, það dugði ekki til í þetta skiptið og fyrsti sigur Bjarnarins kominn í hús í vetur.  Frábær sigur að baki en það sem mestu máli skiptir að þetta var mjög flottur leikur tveggja góðra liða og flott auglýsing fyrir íþróttina.  Þökkum við liði SA fyrir mjög flottan leik.

Það er óhætt að segja að Bjarnarliðið sé talsvert breytt frá síðasta vetri, ekki einungis eru það máttarstólpar liðsins síðustu ár sem eru á sínum stað, ungu strákarnir okkar eru að bæta sig gríðarlega mikið og greinilegt að við eigum mikinn efnivið í Grafarvoginum.  Undanfarið höfum við líka fengið til baka gamla Bjarnarmenn sem eru frábærir leikmenn og fengum við t.a.m. tvö mörk frá einum slíkum í þessum leik.  Þess fyrir utan erum við búnir að fá í hópinn okkar flotta drengi upprunna úr liði SA ásamt öflugum útlendingum.  Hópurinn er orðinn gríðarsterkur og er að smella saman hjá okkur eins og hefur sést á síðustu leikjum liðsins, ekki bara hefur verið gaman að fylgjast með þeim inn á svellinu heldur er einnig áberandi að stemmning innan liðsins er öflug.

Það eru spennandi tímar framundan hjá okkur í vetur með þennan flotta hóp og hvetjum við alla til að koma á leiki liðsins og fylgjast með.  Næsti heimaleikur okkar er nk. Þriðjudag kl: 19:45 er við tökum á móti öflugu liði SR sem hefur unnið okkur í tvígang á tímabilinu.

 Áfram Fjölnir – Björninn !!

Um síðustu helgi (12-14. október) hélt SA hið árlega Greifamót fyrir 5.-7. flokk og fór Björninn að vanda með galvaska krakka norður að keppa. Ferðin heppnaðist mjög vel og voru bæði keppendur og fullorðnir ánægðir með ferðina. Góður andi var í ferðinni og mikið um hópefli bæði á svellinu og utan þess eins og myndirnar sýna klárlega.

Því miður er Zamboni-inn bilaður og verða því engar æfingar að minnstaskosti í tvo daga. Við vonumst til að æfinginar verði samkvæmt dagskrá á fimmtudaginn en munum láta vita.

Boðað er til framhaldsaðalfundar þann 27.septembr.

Áður hefur verið boðað til þessa sama fundar nema viku fyrr. Vegna óviðráðanlegra ástæðna hefur honum verið frestað um viku.

Minnum á kynningarfundinn annað kvöld kl. 19.30. Hvet alla til að láta sjá sig, heitt á könnunni fyrir fundargesti. Fundurinn verður haldinn í ísl Egilshallarinnar

Kallað er til framhaldsaðalfundar hjá Skautafélaginu Björninn fimmtudaginn 20.september kl.19:30 í Íssal Egilshallarinnar. Á fundinum verður gengið til atkvæðagreiðslu varðandi eftirfarandi tillögu: Skautafélagið Björninn, (kt. 540291-1289 Björninn, 610715-1920 Bandý, 590215-1390 Krulla, 610612-0910 listskautar og 610612-1050 íshokký) og Ungmennafélagið Fjölnir, kt. 631288-7589 gera með sér eftirfarandi samkomulag um að öll starfsemi Bjarnarins verður lögð inní Fjölni og þar verði stofnaðar tvær deildir, hokkydeild og listskautadeild sem taka við núverandi starfi Bjarnarins og starfrækja það áfram undir merkjum Fjölnis. Við þetta samkomulag munu allir starfsmenn og þeir iðkendur Bjarnarins færast til Fjölnis. Fjölnir mun yfirtaka allar íþróttalegar skyldur Bjarnarsins, eignir, skuldir og skuldbindingar við þjálfara, iðkendur og samstarfsaðila. Við þetta samkomulag verður engin starfsemi í Skautafélaginu Björninn. Núverandi stjórnir í hokkýdeild og listskautadeild verði skipaðar stjórnir í sömudeildum hjá Fjölni. ÍBR hefur samþykkt að styðja við þetta samkomulag og mun færa samning sem er við Björninn yfir til Fjölnis frá og með 1 október 2018. Fjölnir mun því taka við þessari starfsemi formlega 1 október 2018 og taka þá formlega yfir samninga við IBR og Reginn. Við hvetjum alla sem hafa áhuga á áframhaldandi uppbyggingu skautaíþrótta að mæta á fundinn. ATH. Virkir meðlimir Skautafélagsins Björninn sem teljast með atkvæðarétt eru þeir meðlimir sem skráðir voru í félagið fyrir 1.febrúar 2018 Tekið skal fram að hver skráður meðlimur hefur eitt atkvæði sem ekki er hægt að framselja. Foreldrar/forráðamenn iðkenda undir 18 ára aldri fara með atkvæðisrétt fyrir þeirra

Mánudaginn 17.september kl. 19.30 verður haldinn kynningarfundur vegna mögulegrar sameiningar Skautafélagsins Björninn og Fjölnis. Kynningarfundurinn er haldinn til undirbúnings fyrir framhalds aðalfund sem haldinn verður fimmtudaginn 20. september. Á kynningarfundinum verður farið yfir helstu atriði og rök vegna sameiningarinnar ásamt því að svara spurningum. Við hvetjum alla sem hafa áhuga á áframhaldandi uppbyggingu skautaíþrótta að mæta á fundinn. Fundarstaður er Íssalur Egilshallarinnar. Tekið skal fram að hver skráður meðlimur hefur eitt atkvæði sem ekki er hægt að framselja. Foreldrar/forráðamenn iðkenda undir 18 ára aldri fara með atkvæðisrétt fyrir þeirra hönd.