image description

Almennt um listskautadeild

Starfsemi Listskautadeildar Bjarnarins býður upp á skautakennslu sem er afþreying annars vegar og hins vegar fyrir keppendur. Einnig er boðið upp á æfingar fyrir fullorðna, en þær henta bæði byrjendum og lengra komnum.

Starfsemi deildarinnar er skipt í þrjá flokka:

·       Skautaskóla

·       Keppnishópa félaganna

·       Keppnisflokka Skautasambands Íslands

Skautastjóri hefur yfirumsjón með fyrirkomulagi allra flokka en að auki er hver flokkur með yfirþjálfara.

Skautarar byrja æfingar í Skautaskólanum en þegar ákveðinni hæfni er náð færast þeir yfir í keppnishópa félaganna. Hér eru fleiri æfingar í viku og æfingar eru meira krefjandi. Áhersla er lögð á grunnskautun ásamt því að læra grunn snúningsstöður og einföld stökk. Til að geta tekið þátt í næsta flokk –  keppnisflokkum Skautasambandsins – þarf að vera búið að standast grunnpróf. Iðkendum í keppnishópum félaganna og keppnisflokkum Skautasambandsins er raðað upp í 6 hópa sem ræðst af getu hvers skautara. Þannig æfa iðkendur sem eru með svipaða getu saman en það eru ekki endilega iðkendur sem keppa í sama flokk.

Æfingar fara fram bæði á svelli og í íþróttasal (afís) og verða iðkendur að mæta bæði á svell og afís. Á afísæfingum er unnið að m.a. að styrk, liðleika og þoli en einnig fer fram danskennsla.