image description

Skráning iðkenda

Allir iðkendur eiga að skrá sig og ganga frá greiðslum áður en æfingatímabilið hefst. Veittur er 5% systkinaafsláttur af æfingagjöldum. Vetrinum er skipt upp í tvö æfingatímabil, annað frá ágúst til desember og hitt frá janúar til júní. Fyrir utan þessi tvö æfingatímabil er boðið upp á sumar- og jólanámskeið. Þegar iðkandi er skráður á annað af tvö helstu æfingatímabilunum er boðið upp á greiðsludreifingu æfingagjalda yfir nokkra mánuði. Æfingagjöld miðast við þann æfingafjölda sem hópur viðkomandi iðkanda æfir á viku. Ekki er veittur afsláttur á æfingjagjaldi ef iðkandi getur ekki mætt í tíma vegna árekstra við aðrar íþróttagreinar, tómstundir, frí eða vinnu. Hópaskipting er gefin út fyrir hvert æfingatímabil. Vinsamlegast hafið samband við stjórnarmeðlim og/eða þjálfara ef óvissa er um hvaða hóp iðkandi tilheyrir.

Björninn er aðili að frístundastyrkjum sveitafélaganna og því hægt að nýta hann til greiðslu æfingagjalda. Æfingagjöld eru ekki endurgreidd eftir að æfingatímabilið er hafið nema um langvarandi veikindi/meiðsli eða búferlaflutninga sé að ræða. Ekki er heimilt að endurgreiða það sem greitt hefur verið með frístundastyrk sveitafélaganna. Vinsamlegast athugið að einkatímar, gjöld fyrir grunnpróf, gjald fyrir tónlist, keppnis- og dómaragjöld falla utan æfingagjalda.

Allar skráningar fara fram í gegnum vef Listskautadeildarinnar https://bjorninn.felog.is